Thari Mirwah

welcome in the site of Thari Mirwah

News

Peace in Pakistan , Peshawer Blast....

Posted by Sana Baloch on March 6, 2014 at 1:25 AM

ثنا عباس دشتي

پشاور ۾ چرچ تي ٿيل حملي کي اڃا هفتو به نه گذريو هو ته هڪٻئي پٺيان ٽي واقعا نمودار ٿيا آهن. عيسائي برداري کي دهشتگردي جو نشانو بڻائڻ کانپوءِ چارسده تي سرڪاري ملازمن جي بس ۾ ٿيل ڌماڪي جي نتيجي ۾ ٻن عورتن سميت 19 ڄڻا اجل جو شڪار ٿيا. انکانپوءِ پشاور جي بازار اندر جڏهن هر ڪو پنهنجي روز مرهه جي زندگي جي وهنوار ۾ لڳل هو ۽ پشاور جي چرچ ۾ مارجي ويلن جي ياد ۾ عبادت ڪئي پئي وئي ته عقل ۽ انسانيت جي دشمنن هڪ ٻيو ڌماڪو ڪيو. جنهن جو آواز ايترو ته خوفناڪ هيو جو ٻڌندڙ به ٻوڙا ٿي ويا. طالبان سان ٽيبل ٽاڪ ٿيڻ جي ڳالهه کانپوءِ اهڙي قسم جا واقعا ڪيترائي ڀيرا رونما ٿيندا رهن ٿا ۽ رهندا. هتي ڳالهه اقليتن جي تحفظ جي به نه آهي هن ايڏي وڏي سانحي کانپوءِ شايد اقليتي برادري کي احساس محرومي جي ڄار مان نه ڪڍي سگهجي پر پوري قوم جو هڪ ٿي انهن جي تحفظ لاءِ احتجاج رڪارڊ ڪرائڻ انهن کي شايد انهيءَ احساس محرومي کان ڪڍي....!

 

22 سيپٽمبر تي ٿيل ان ڌماڪي کانپوءِ واري ٿيل دهشتگردي ۾ جتي هڪ هڪ گهر مان انيڪ مڙهه کنيا ويا اهل دل شايد ئي اهڙو منظر ڏسي سگهن پر دهشتگردي جي ان لهر کي ڪيئن روڪجي؟ اي پي سي ڪوٺائڻ جي باوجود به دهشتگرد پنهنجي حرڪتن کان نه ٿا مڙن. پوءِ اهو باور ڪيئن ڪجي ته هو بعد ۾ هٿيار ڦٽا ڪرڻ امن جا پانڌيئڙا ٿيندا؟

عيسائي برادري جيڪا پاڪستان جي شهريت رکندڙ آهي ۽ آئين پاڪستان مطابق کين هر طرح جي مذهبي آزادي جا حق آهن، پرامن رهندڙ عيسائي برادري لاءِ 22 سيپٽمبر جو ڏينهن شايد ڪنهن قيامت صغريٰ کان گهٽ نه هو جو سندن مقدس جاءِ کي دهشتگردي جو نشانو بڻايو ويو ۽ ڏسندي ئي ڏسندي گهڙي کن ۾ مسڪرائيندڙ چهرا بارود جي دونهين ۾ چيرجي ويا. طالبان جو آخر ڪم ڇا آهي، مذهب جي نالي تي بينگاهه معصوم ماڻهن کي دهشتگردي جو نشانو بڻائڻ؟ انساني خون وهائڻ سان توهان ڪهڙي نظام جي ڳالهه ٿا ڪريو؟ بيگناهه جانيون، عورتون ٻار پوءِ توهان ڪهڙي امن جا طالب آهيو اوهان، اڃا تائين گروپن ۾ ورهايل خود طالبان هڪ نه ٿي سگهيا آهن ته پوءِ ڪهڙي نظام کي هڪ ڪرڻ ٿا گهرو؟ ڪنهن کي بندوق، بارود ۽ بمن جي آڌار تي پنهنجي ڳالهه ٿا مڃرايو؟ اوهان ته دهشت ڦهلائي پنهنجي ڪمزوري ٿا ڏيکاريو. انهن بنا دل ۽ دماغ رکندڙ هٿيارن کي شايد اها خبر نه هجي ته ڪنهن مهل ڪنهن ڏي منهن ڪندا، اسلام ته برداشت سيکاريو آهي، جي ڪنهن ساهه دار کي مارڻ به گناهه ڪبيرا ۾ شامل ڪيو، پوءِ آخر اوهان ڪهڙو اسلام ٿا گهرو؟

جيڪاڳالهه اڄ تائين خود طالبان جي سمجهه ۾ نه آئي آهي ته ٻئي ڪنهن کي ڇا سمجهه ۾ ايندي ؟ نواز شريف پاران ڪوٺايل اي پي سي کي هاڻ شايد اڳتي وڌائڻ مشڪل ٿي وڃي ڇو ته جتي حڪومت امن جي لاءِ جيڪو قدم کنيو انکي اهڙا واقعا ٿيڻ کانپوءِ مشڪلاتون نظر ٿيون اچن، وزيراعظم جڏهن عالمي برادري کي اجلاس ۾ خطاب ڪري رهيو هو ان وقت اهڙي واردات ٿيڻ ڪٿي ڪا سازش ته نه آهي؟” بهرحال طالبان سان ڳالهيون ٿيڻ يا نه ٿيڻ جو فيصلو ته ملڪ جو دفاعي وزير ۽ وزيراعظم ڪندا. پر طالبان سان بنا شرط جي ڳالهه ٻولهه ڪرڻ ئي بهتر رهندو ، يا ته وزيرراعظم جي ان بيان سان طالبان کي پاڪستان جو آئين تسيلم ڪرڻو پوندو، هٿيار ڦٽا ڪرڻا پوندا ۽ دهشتگردي کان لاتعلقي ظاهر ڪرڻي پوندي.

انسان ئي انسان جو دشمن ٿي پيو آهي. انتهاپسند ته پنهنجو ڪم ڪيو ٿا وڃن پر پوئتي رهجي وڃن ٿا سوال ته اسان جي سيڪيورٽي ادارا ۽ حڪومتي مشنري ڇا پئي ڪري؟ بسن ۾ بم نصب ٿا ٿين، موٽر سائيڪلن ۾، اسڪولن، مسجدن ۾ هر طرف بارود جي بوءِ آهي، هڪ دهشتگردي جي واقعي کانپوءِ سيڪيورٽي ادارن کي چوڪس هجڻ گهرجن پر اسان جي انتظاميه “ ٻئي جي انتظار“ ۾ رهندي آهي. رياستي ادارا غير فعال نه هجڻ گهرجن، انهن کي منظم رهڻ گهرجي جو اهڙين ڪڌين ڪاررواين ڪرڻ واري کي ڪا وٿي نه ملي. نه ئي دهشتگرد رياست کان ڏاڍا آهن بس ادارن جي ڪاهلي آهي جو ڪوتاهيون فعال نه ٿا ڪري سگهن. انتهاپسندن جي دلين تي زنگ لڳي چڪو آهي انهي زنگ کي لاهڻ مشڪل آهي، ڇو ته شيخ سهدي جي هن قول مطابق جن جون دليون پٿر ٿيو وڃن ته انهن کي لوهه جي سيخ به ڪجهه نه ڪري سگهندي. بحرحال انتهاپسندن لاءِ فيصلا ڪن آپريشن ڪيا وڃن ۽ امن امان جي بحالي ڪئي وڃي ۽ اقليتي برادري جي تحفظ کي به يقيني بڻايو وڃي، انهن جي عبادت گاهن کي به مناسب سيڪيورٽي فراهم ڪئي وڃي. چڱائي جي اميد نه ڇڏڻ گهرجي. دهشت ۽ دهشتگرد امن آڏو بيوس ٿيندا.

نتيجه ڦروهي هوگا، سنا هي حال بدلين گي

پردي تو وهي هونگي، سنا هي جال بدلين گي

بدلنا هي تو دن بدلو، بدلتي ڪيون هو هندسون ڪو

مهيني ڦر وهي هونگي، سنا هي سال بدلين گي

چلو هم مان ليتي هين، مهينا ساٺ سالون کا

بتائو ڪتني سالون مين، هماري حالات بدلين گي

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

0 Comments